حکمراں آج بھي ہے پير مغاں کيا کيا
وھي دفتر ھے وھي مھر و نشاں کيا کہنا
عقل کي تند ھوائيں ھيں خروشاں کب سے
پھر بھي شمع جنوں شعلہ فشاں کي کہنا
کب سے تقوي ھے مزا مير و ترنم کے خلاف
آج بھي نغمہ ھے آشوب جہاں کيا کہنا
کب سے خورشيد کي حدت ميں ھے فرمان سکوت
پھر بھي جنبش ميں ھے ذروں کي زباں کيا کہنا
ذرے ذرے پہ جہنم کي لگي ھيں مہريں
پھر بھي دنيا ھے جنت کا گماں کيا کہنا
کب سے اديان کي خشکي ميں ھے تبليغ سراب
وھي رونق ھے سر آب رواں کيا کہنا
عقل کے دور ميں بھي عشق نہيں ھے خاموش
وھي نالے ھيں وھي شور فغان کيا کہنا
کب سے ھے ذوق نظر حسن شريعت سے حرام
وھي نظريں ھيں وھي حسن جواں کيا کہنا
آج بھي جلوہ رنگين کي طلب گاري ھے
چشم انساں ھے ھر سو نگراں کيا کہنا
جوش مليح آبادي
